好嬲我自己

記下來...........

an726 — Mon, 10 Nov 2008 20:58:12 +0800

老公在9月8日返直至10月31日先走.今次喺度足足有50多天原因可能係因為我哋嘅週年紀念日係喺10月27日嘅關係啦.有時發夢咁諗,佢會唔會唔走呀!但最後都係走囉!!唉!!天意黎架.可能佢唔走嘅話對大家都唔好受呢.因幾拾年來都係咁,慣咗喇.之不過當諗到佢係去個女人處時,個心都係酸酸痛痛的.難受架如果諗佢去同朋友玩,打牌,做野又者唔諗...咁....會舒服啲!好.....一於做阿Q.呃吓自己先得!!21:24:51煮野食喇!今晚又係一個人食,啲仔唔得閒,有事做,唔返得黎同我食飯咯!

續...........

an726 — Mon, 10 Nov 2008 19:55:11 +0800

老公雖然外面有女人,但這10幾20年黎佢都盡量返黎同我慶祝生日,結婚週年.就因為咁,而我又體諒佢所以咪可以到今時今日囉!有人話我儍........年青時又靚女做咩唔走喺度等,喺度捱.唉....好難講......原因係.......我愛我老公,愛我啲仔,愛我嘅家庭.希望有朝一日佢會[鳥倦歸還]我哋可以從新開始,但到咗依家佢都係咁.我知冇可能喇!自己都巳過左人生嘅大半世囉,所以咪想做就去做.如環境許可,身體無事而又有伴嘅時候,真係好想去多一些旅行.睇吓呢個世界學習吓當地人嘅風土人情,文化等等.''學習''呢樣就係我最喜歡嘅.年紀大,乜都慢.有時都想快啲,但始終係''力不從心''咁.唔到你唔信時間就係最大嘅敵人!所以要珍惜每一日,盡量做多些喜歡做嘅野.學多些,見多些,要不枉此生才是啊!! 嘻嘻!!

唉.............巳經35週年喇!!

an726 — Mon, 10 Nov 2008 18:00:55 +0800

唉..........10月27日係我地嘅結婚35週年.回想番35年前祇得19歲的我單純,幼稚.為左要逃避家中嚴父就選擇左早婚.當時丈夫21歲.我一心一意諗住相夫教子啦,點知老公喺我懷孕的時候開始有婚外情.經常不回家,當時我仲有工作可以寄托.都可以撑得住.直至大仔出世後我便一心揍仔沒有再工作了!但人始終係有情緒的.每當想起丈夫經常不在我身邊.當遇到某些事時要一人面對甚至解決.好辛苦啊!曾經試過死但死唔去.於是就叠埋心水揍仔.幾年後,我再度懷孕於是同老公講點知佢反應係話(落咗佢)我當時問點解,佢話依家一個都咁辛苦生多個點養呀!如果你一定要生下來咪話到時我唔理你呀!於是我同奶奶,媽咪佢哋商量他們全都反對.我媽咪話落仔好傷身架.你千祈唔好咁做.至於奶奶就話.....人地嗰的未婚嘅知道有左都會馬上結婚啦,更何況你巳經結左婚喇做咩唔要呀.於是我答.....老公佢唔鍾意.唔好,要生.就係咁.... 我就！生埋個細仔喇!自從細仔出世後3個月黎老公都冇返過屋企.衹係間中打電話返黎問吓咁囉!而我就除左揍仔,打理家務就什麽也沒有.冇朋友,冇錢,老公又冇返黎.祇有日日以知淚洗面.好彩有次無意中老公嘅同事嘅女友介紹左份工比我.於是生活就改變左.一做就做左11年喇!最初這段日子都好難捱,直至到啲仔大個出身喇我先冇做野.但到現在老公依然出面有女人.都唔知第幾個喇!!

都好耐冇寫blog了

an726 — Sun, 21 Sep 2008 12:01:36 +0800

老公於9月8日返.佢話返黎過中秋節喎!點知今年會同~亞馨一家一齊造節.食盆菜.果晚氣氛都幾好.....仲同埋媽咪去0添.正中秋果曰去左BBQ同食甜品......老公返黎冇幾天－個電話黎又即上中山咯.其實佢返唔返黎都冇分別...祇不過...好過佢0係外面咁0者!今晚會同班廢柴聚會~~~第－次咋唔知會點呢?開唔開心呢?感覺如何?今晚咪知囉!咁下次上blog再講.今次講住咁多先!

前幾天無意中走入.....

an726 — Mon, 01 Sep 2008 09:37:45 +0800

前幾天28.08.08無意中走左入尖沙咀某個商場見到有間飾物店寫住....結業清貨....於是吸引在我入去逛逛.本來我一向對飾物都興趣唔大.不過見到有些相架,髮夾都幾特別~心想如果便宜的話都可以買些回家.正當我想睇那面相架時那個售貨員哥哥拿著兩隻手錶過來跟我說:(這是08年最新款的你試0下買唔買都冇所謂架.我見你外形好襯才拿出來比你試0下就剩番每款各－隻咋.)心想試0下無防唧.點知...到最後在這裏放低左－千多元而並非我原意想要的東西!之後兩天都戴著希望有人見到問我....(隻錶幾靚喎0係邊處買架)點知..冇人見到不但止仲比我0係銅鑼灣見到差唔多款式但價錢相差成三分－.當時心裏不安怪自己耳仔軟容易相信人.－會兒再想就當買左個教訓算喇!經－事就長一志.以後無論做任何事都要三思啊!!

今日打風....

an726 — Fri, 22 Aug 2008 18:29:49 +0800

今日掛9號風球,但我都有同媽咪飲茶.仲有打包左D野比louis食.阿獵冇返黎!0係這個情況低下我居然諗起另－個成員就係老公佢.佢應該知道香港打風架....點解連－個電話都無打過黎問下.佢夠竟有冇當這個係佢0既家呢?－路以黎佢對外人都好過對我地.起碼我也見佢經常都會打電話比佢D朋友呀!我試問自己~~~(既然你仲留低0係呢個家度)咁小0既事何必介意而令到自己唔開心呢.話需如此....證明到－樣野就係這個家對佢黎講並不重要可有可無又或者係多餘0既!唔知我有冇諗錯呢?既然幾十年佢個心都唔在我處又何必咁執著呢!2008/08/22

不知何解....

an726 — Fri, 08 Aug 2008 10:57:16 +0800

不知何解,最近有好幾晚都不能眠.所以攪到個人曰間做事習中唔到!唉累但又睡不著,這種感覺很難受0阿!!以前曾經有過許多不愉快及痛苦經歷但都好彩－躺下就可以入睡.醒後就可以暫時忘記.但唔明點解到今時今日人老了很多事情都不再太執著反而晚晚難眠.......難眠是－種非常辛苦的事情......希望好快能夠改善好等我頭腦清晰－點去面對每日的事情.......在這裏自己祝福自己......身體健康!!!!!

可能好耐都無寫...........

an726 — Wed, 23 Jul 2008 16:34:57 +0800

可能好耐都無寫個blog今日一囗氣寫幾封都有D累呀,而且今晚仲要煮飯0添.phillip同bonnie話返黎食飯.唔知買咩送好呢?天氣又咁熱,濕濕地既送菜可能會好D喎!

身體不太好......

an726 — Wed, 23 Jul 2008 16:01:02 +0800

最近身體唔係太好,祗係0係7月巳經睇過好多次醫生.感冒,冇精神,隻眼又生瘡.有時仲覺得無目標唔知點做好.諗黎諗去都諗唔到點做.唯有唔諗住唔做住咁就拖0下拖0下D問題同D工作就堆即如山.無人會幫我做.－定要自己!點算好呢?幾時先會通倒呢?希望有神能令我....福至心靈....好快,好易咁解決晒所有既問題,等我之後可以簡簡單單,輕輕鬆鬆,快快樂樂咁過埋這段人生!

唉.......唔經唔覺又........

an726 — Wed, 23 Jul 2008 15:26:04 +0800

唉.....唔經唔覺老公返左黎個多月喇!上一次返係050608而今次走係220708!每一次當佢要離開既時候,總會有D唔想同唔捨得.果種感覺係唔似佢去玩呀,打牌呀,上中山冇同我－齊去果種....(雖然佢唔0係度會自由D,舒服D)個心有D唔舒服,不過好快就會適應0番!至終都未學曉....放低....呢樣野!所以咪咁辛苦0羅!其實仲有好多0野等住我去做架.偏偏就唔想做,祗係坐0係度發夢......何必找苦呢?天0阿天.........你可以幫我解決這心結嗎!!!!

本來今日返瑜珈係好輕鬆但...........

an726 — Thu, 03 Jul 2008 23:40:18 +0800

本來今日返瑜珈係好輕鬆,因為今晚唔駛煮飯.但當落堂0既時候比個sale捉住叫我買package.又唔比我考慮....(佢話今日係dead line喎)佢offer比我0既package係的確幾低玩0既.但－簽就要簽四年呀......實在太長時間.....(如果唔係又點會咁平0丫)唉,如果執笠咁就慘啦!因為我巳經比晒錢喇希望唔會啦.......天主保祐啊!

今天一起身................

an726 — Fri, 27 Jun 2008 23:51:24 +0800

今天－起身忽然好想返瑜珈,但當想起－個人去好冇意思時,手機響起原來係同學打黎問我返唔返瑜咖~~~~~我當然話好啦.咁就去左－日喇.到睌上才回家煮飯2008/06/2800:13:03好喇今曰總算ok 啦........

巳經好耐都冇........

an726 — Wed, 25 Jun 2008 21:01:18 +0800

巳經好耐都冇寫blog啦....點解...咪就因為同媽咪上左番禺5天又有幾天唔係好舒服0羅.講返0係番禺的曰子實在無聊.起身食0野,行街,按摩,修甲,打牌就咁過左幾天喇!咁0既生活短暫冇問題但我想....再過幾天我會傻喇!嘻嘻!

今天總算....

an726 — Mon, 16 Jun 2008 01:13:28 +0800

今天總算平平靜靜咁渡過,今天是父親節相信很多人都外出食飯慶祝.所以提早食飯慶祝左,唔駛同人迫0麻今日無出街祗在家清潔.晚飯在家中食!現在巳是2008/06/1601:28:48我要訓覺喇!

我唔知自己.......

an726 — Sat, 14 Jun 2008 23:51:41 +0800

我唔知自己可以忍到幾耐,冇人明白我.他對我處處留難點解我仲要忍呢?為什麼呀?莫非前世欠他嗎?今世就是這樣痛苦嗎!